ប្រជុំផ្សព្វផ្សាយ អំពីរបៀបប្រើប្រាស់ប្រពន្ធ័ (FPCS) គ្រប់គ្រងវត្តមានជនបរទេស ក្នុងព្រះរាជាណាចក្រកម្ពុជា ដល់នគរបាលប៉ុស្តិ៍រដ្ឋបាល ចំណុះអោយស្នងការដ្ឌាន នគរបាល ខេត្តបន្ទាយមានជ័យ !!!!
ដោយះ លោក សេង វិសាល
ចេញផ្សាយថ្ងៃ ព្រហស្បត៍ ១ រោច ខែ មាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី ១៧ ខែ កុម្ភះ ឆ្នាំ២០២២
ព័ត៌មានជាតិ
ខេត្តបន្ទាយមានជ័យ:
លោកឧត្តមសេនីយទោ សិទ្ធិ ឡោះ ស្នងការដ្ឋាននគរបាលខេត្តបន្ទាយមានជ័យ នៅព្រឹកថ្ងៃទី១៧ ខែកុម្ភ: ឆ្នាំ២០២២នេះ បានបើកកិច្ចប្រជុំបន្ទាន់មួយ ស្តីពីការផ្សព្វផ្សាយ អំពីរបៀបប្រើប្រាស់ប្រពន្ធ័គ្រប់គ្រងវត្តមានជនបរទេស ក្នុងព្រះរាជាណាចក្រកម្ពុជា សម្រាប់មន្ត្រីនគរបាល និងសម្រាប់ម្ចាស់ ឬអ្នកកាន់កាប់លំនៅដ្ឋាន នៅលើទូរសព្ទ័ដៃ foreigners present in Cambodia system (FPCS) ដល់លោកលោកស្រី អធិការ អធិការរង ស្រុក/ក្រុងទាំង៩ និងលោកនាយប៉ុស្តិ៍ទាំង៦៥ផងដែរ។
លោកឧត្តមសេនីយត្រី អេង លីហួរ ស្នងការរង ទទួលផែនការងារគ្រប់គ្រងជនបរទេស បានធ្វើបទបង្ហាញ អំពីការបង្កើតគណនី លើទូរសព្ទ័ប្រពន្ធ័(FPCS)ដល់លោកអធិការ និងមេប៉ុស្តិ៍ទាំងអស់ងាយស្រួលក្នុងការគ្រប់គ្រងជនបរទេស តាមមូលដ្ឋានដែលខ្លួនគ្រប់គ្រង។
លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានមានប្រសាសន៍ថា ការបង្កើតឲ្យមានប្រព័ន្ធគ្រប់គ្រង(FPCS)គឺដើម្បីងាយស្រួលដល់នគរបាលក្នុងការគ្រប់គ្រង ជនបរទេស និងសន្តិសុខសណ្តាប់ធ្នាប់សុវត្ថិភាពសង្គម តាមប្រពន្ធ័បច្ចេកវិទ្យា។
ឆ្លៀតក្នុងឱកាសនោះ លោកឧត្តមសេនីយ៍ទោស្នងការ ក៏បានក្រើនរំលឹកដល់ លោកអធិការក្រុង/ស្រុក មេប៉ុស្តិ៍រដ្ឋបាលទាំងអស់ ត្រូវយកចិត្តទុកដាក់ចំពោះការអនុវត្តន៍ដីការរបស់តុលាការ ហាមយឺតយ៉ាវ ត្រូវប្រគល់ឲ្យដល់ដៃប្រជាពលរដ្ឋ ជៀសវាងអនុវត្តន៍ខុសវិជ្ជាជីវ: នាំឲ្យប៉ះពាល់ដល់ កិត្តិយស សេចក្តីថ្លៃថ្នូរ សិទ្ធិសេរីភាពរបស់ប្រជាពលរដ្ឋ។ ចំពោះប៉ុស្តិ៍នគរបាលរដ្ឋបាលណាមិនអនុវត្តន៍ ឬយកដីការទៅទុកចោល លោកនឹងមានវិធានការ ដាក់ពិន័យតាមច្បាប់កងកម្លាំង៕
ដោយះ គេហទំព័រ បារមីមានរិទ្ទិ លោកយាយម៉ៅ
https://www.bmm-news.com/
