ប្រវត្តិសាស្ត្របាល់ទាត់៖ FIFA នឹងប្រគល់ចិញ្ចៀនជើងឯក ឲ្យម្ចាស់ពាន World Cup ក្រោមការចូលរួមប្រគល់ដោយផ្ទាល់ពីលោកប្រធានាធិបតី ត្រាំ !!!!!

ប្រវត្តិសាស្ត្របាល់ទាត់៖ FIFA នឹងប្រគល់ចិញ្ចៀនជើងឯក ឲ្យម្ចាស់ពាន World Cup ក្រោមការចូលរួមប្រគល់ដោយផ្ទាល់ពីលោកប្រធានាធិបតី ត្រាំ !!!!!

ព័ត៌មានជាតិ
ដោយះ លោក សោ សិលា
ចេញផ្សាយថ្ងៃ សៅរ៍ ៤ កើត ខែ ទុតិយាសាធ ឆ្នាំ មមី អដ្ឋស័ក ព.ស. ២៥៧០ ត្រូវនឹងថ្ងៃទី ១៨ ខែ កក្កដា ឆ្នាំ ២០២៦

ព័ត៌មានអន្តរជាតិ:

សហព័ន្ធបាល់ទាត់អន្តរជាតិ (FIFA) បានសម្រេចចិត្តបង្កើតព្រឹត្តិការណ៍ដ៏ភ្ញាក់ផ្អើលមួយក្នុងប្រវត្តិសាស្ត្របាល់ទាត់ពិភពលោក ដោយនឹងប្រគល់ ចិញ្ចៀនជើងឯក World Cup ទៅឲ្យក្រុមដែលឈ្នះក្នុងជំនួបផ្តាច់ព្រ័ត្ររវាង អាហ្សង់ទីន និងអេស្ប៉ាញ នៅថ្ងៃអាទិត្យស្អែកនេះ។ ការប្រកួតនេះកាន់តែទទួលបានការចាប់អារម្មណ៍ខ្លាំង ក្រោយពីមានការបញ្ជាក់ជាផ្លូវការថា លោកប្រធានាធិបតីសហរដ្ឋអាមេរិក ដូណាល់ ត្រាំ នឹងចូលរួមទស្សនាផ្ទាល់។
ការប្រគល់ចិញ្ចៀនជើងឯកនេះ គឺជាការយកតម្រាប់តាមប្រពៃណីកីឡារបស់សហរដ្ឋអាមេរិក ដែលតែងតែធ្វើឡើងសម្រាប់ក្រុមជើងឯកពានរង្វាន់ Super Bowl នៃលីគបាល់ឱបជាតិ (NFL)។ FIFA នឹងផលិតចិញ្ចៀនចំនួន ៣០ វង់ សម្រាប់ប្រគល់ជូនវីរៈបុរសជើងឯកពិភពលោក និងចិញ្ចៀនចំនួន ១៩៩៦ វង់ផ្សេងទៀត នឹងត្រូវដាក់លក់ជូនអ្នកគាំទ្រជាវត្ថុអនុស្សាវរីយ៍។ ចិញ្ចៀននីមួយៗត្រូវបានរចនាឡើងយ៉ាងប្រណីតដោយមានបង្កប់រូបពានរង្វាន់ World Cup ខ្នាតតូច និងមានឆ្លាក់អក្សរនៅលើវង់ចិញ្ចៀន។

លោកប្រធានាធិបតី ដូណាល់ ត្រាំ ដែលត្រូវបានចាត់តាំងឲ្យធ្វើជាអ្នកប្រគល់ពានរង្វាន់ World Cup ផ្ទាល់ មិនទាន់បានចូលរួមទស្សនាការប្រកួតណាមួយឡើយ ក្នុងចំណោមការប្រកួតទាំង ១០២ លើកកន្លងមក ដោយរូបលោកបានខកខានការប្រកួតទាំងអស់របស់ក្រុមជម្រើសជាតិអាមេរិក មុនពេលពួកគេត្រូវធ្លាក់នៅវគ្គ ១៦ ក្រុមចុងក្រោយក្រោមថ្វីជើងក្រុមប៊ែលហ្សិក។

គួរបញ្ជាក់ផងដែរថា លោកប្រធានាធិបតី ត្រាំ មានប្រវត្តិចូលចិត្តចូលរួមព្រឹត្តិការណ៍កីឡាខ្នាតយក្សដូចជា Super Bowl, កីឡារវាយកូនបាល់, វគ្គផ្តាច់ព្រ័ត្រកីឡារបាល់បោះ (NBA) និងធ្លាប់បើកទ្វារវិមានប្រធានាធិបតីស្វាគមន៍ស្ថាប័ន UFC ផងដែរ៕

ដោយះ សមាគមសារព័ត៌មាន ឈុន ពេជ្រ ជាយដែន
https://www.cdv-news.com/