ជនសង្ស័យម្នាក់ដែលជាមេខ្យល់ នាំពលករ ឆ្លងដែនខុសច្បាប់ ត្រូវបានលោកព្រះរាជអាជ្ញារងផាន់ ភីរម្យ ចោទប្រកាន់ជាផ្លូវការហើយ !!!!!

ជនសង្ស័យម្នាក់ដែលជាមេខ្យល់ នាំពលករ ឆ្លងដែនខុសច្បាប់ ត្រូវបានលោកព្រះរាជអាជ្ញារងផាន់ ភីរម្យ ចោទប្រកាន់ជាផ្លូវការហើយ !!!!!

ដោយះ លោក ពេជ្រ ច័ន្ទវិជ្ជា
ចេញផ្សាយថ្ងៃពុធ ១៥កើត ខែ ជេស្ឋ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី ២៦ ខែ ឧសភាឆ្នាំ ២០២១
ព័ត៌មានជាតិ

ខេត្តប៉ៃលិន:

អនុវត្តន៍តាមបញ្ជាដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែនជាប្រមុខដ៏ឆ្នើម ។ លោក ផាន់ ភីរម្យ ព្រះរាជអាជ្ញារង អមសាលាដំបូងខេត្តប៉ៃលិន បានចោទប្រកាន់ ជនសង្ស័យម្នាក់ ឈ្មោះ នី វណ្ណដេត ហៅធូ ភេទប្រុស អាយុ ៣២ឆ្នាំជាជនជាតិខ្មែរ មានទីលំនៅក្នុង ភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ ពីបទ ជួញដូរមនុស្ស ខ្សែច្បាប់ឆ្លងដែន ។ លោក ផាន់ ភីរម្យ ព្រះរាជអាជ្ញារង បានមានប្រសាសន៍ថា ក្រោយពីបានទទួល របាយការណ៍ពិស្ដារ ពីស្នងការនគរបាលខេត្តប៉ៃលិន រួចមក និងក្រោយពីបានធ្វើការស៉ើបអង្កេតនិងពិនិត្យ សំណំុរឿង យ៉ាងល្អិតល្អន់ ចប់សព្វគ្រប់រួចហើយ ។ លោកបានធ្វើការចោទប្រកាន់ ទៅលើ ជនសង្ស័យ ជាផ្លូវការហើយ។

សូមបញ្ជាក់ថាខ្លឹមសារនៃរឿង តាមរបាយការណ៍ របស់កម្លាំងជំនាញ នៃស្នងការដ្ឋាននគរបាលខេត្តប៉ៃលិន មានដូចតទៅ ករណីឃាត់ជនសង្ស័យម្នាក់ដែលពាក់ព័ន្ធករណីលួចនាំប្រជាពលរដ្ឋឆ្លងដែនខុសច្បាប់ចូលទៅ ប្រទេសថៃ មួយករណីដែលកើតឡើងនៅចំណុចអូរក្បែរប៉ុស្ត៍វរព្រំដែនអូរឈើក្រំ ដែលស្ថិតនៅក្នុង ភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

សូមបញ្ជាក់ថានៅវេលាម៉ោង ១១:០០ នាទី ថ្ងៃអាទិត្យ១២កើត ខែជេស្ឋ ឆ្នាំឆ្លូវត្រី ស័ក ព.ស ២៥៦៥ត្រូវនឹងថ្ងៃទី ២៣ ខែឧសភា ឆ្នាំ២០២១ កម្លាំងប៉ុស្តិ៍ នគរបាលរដ្ឋបាលស្ទឹងកាច់បានធ្វើកំណត់ហេតុប្រគល់ទទួលជនសង្ស័យចំនួន ០១ នាក់ប្រុសដែលលួចនាំ ប្រជាពលរដ្ឋឆ្លងដែនខុសច្បាប់ចូលទៅថៃ ពីកម្លាំងការពារគោលដៅA២០ ដោយជនសង្ស័យម្នាក់នេះបាននាំ ប្រជាពលរដ្ឋចំនួន១០នាក់ស្រីចំនួន០១នាក់ លួចឆ្លងដែនចូលទៅប្រទេសថៃតាមចំណុចអូរក្បែរប៉ុស្ត៍វរព្រំដែន អូរឈើ តែពេលចូលទៅដល់ចំណុចមាត់អូរខាងភាគីថៃ ក៏ត្រូវបានកម្លាំងទាហានឈុតខ្មៅថៃធ្វើការឃាត់ ខ្លួនរួចចាប់បញ្ចូនទៅអោយកម្លាំងការពារគោលដៅ ២០ បន្ទាប់មកពួកគាត់បានចាប់បញ្ចូនបន្តមកប៉ុស្តិ៍នគរ បាលរដ្ឋបាលស្ទឹងកាច់ដើម្បីចាត់ការបន្ត។

– ជនសង្ស័យឈ្មោះ នី វណ្ណដេត ហៅធូ ភេទប្រុស អាយុ ៣២ឆ្នាំជាជនជាតិខ្មែរ មានទីលំនៅក្នុង ភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។-ប្រជាពលរដ្ឋទាំង ១០ នាក់បានរត់គេចខ្លួនចំនួន ០៤ នាក់ និងឃាត់ខ្លួនបានចំនួន ០៥ នាក់ស្រី ០១នាក់ រួចបញ្ចូនទៅធ្វើចត្តឡីស័ក នៅមណ្ឌលអភិវឌ្ឍន៍ស្ត្រីក្នុងខេត្តប៉ៃលិន ។

លោក ផាន់ ភីរម្យ ព្រះរាជអាជ្ញារង អម សាលាដំបូង ខេត្ត ប៉ៃលិន បានមាន ប្រសាសន៍ បន្ថែមថាករណី ខាងលើនេះ លោក សំណូមពរ ដល់បងប្អូន ប្រជាពលរដ្ឋ មេត្តាចូលរួម អនុវត្តន៍ ៣កុំ ៣ការពារ និង ចូលរួម ទប់ស្កាត់ ការរីករាលដាល នៃ ជម្ងឺកូវីដ១៩ តាមគោលការណ៍ របស់ ក្រសួងសុខាភិបាល ៕

ដោយះ គេហទំព័រ បារមីមានរិទ្ធិ លោកយាយម៉ៅ
https://www.bmm-news.com/