យន្តហោះ F-16 ផលិតដោយសហរដ្ឋអាមេរិក ដែលរង់ចាំជាយូរ បានមកដល់អ៊ុយក្រែន !!!!!
ដោយះលក ណាង រដ្ឋា
ចេញផ្សាយនៅថ្ងៃ ចន្ទ ១កើត ខែ ស្រាពណ៍ឆ្នាំ រោង ឆស័ក ព.ស.២៥៦៨ ត្រូវនឹងថ្ងៃទី ០៥ ខែ សីហា ឆ្នាំ ២០២៤
បរទេស:
ប្រធានាធិបតីអ៊ុយក្រែន លោក Zelenskiy និយាយថា យន្ត ហោះ បានស្ថិតនៅលើមេឃរបស់យើងហើយ អ្នកបានមើល ឃើញយន្តហោះជាផ្លូវការហើយនៅថ្ងៃនេះ។ វាជាការប្រសើរ ណាស់ ដែលយន្តហោះបានមកដល់ ហើយយើងអាចប្រើ ប្រាស់វាបាន។
ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃអាទិត្យថា អាកាសយានិកអ៊ុយក្រែន នៅពេលនេះ នឹងហោះហើរនៅក្នុងយន្តហោះ F-16 ផលិតដោយសហរដ្ឋអាមេរិក សម្រាប់ប្រតិបត្តិការនៅក្នុងប្រទេស។ ន្តហោះចម្បាំងដែលរង់ចាំជាយូរមក បានមកដល់ រយៈ ពេលជាង ២៩ ខែ បន្ទាប់ការវាយលុករបស់រុស្ស៊ី មកលើអ៊ុយក្រែន។
លោក Zelenskiy បាននិយាយថា ទោះជាយ៉ាងណា អ៊ុយ ក្រែននៅតែពុំទាន់មានយន្តហោះ ឬអាកាសយានិក គ្រប់គ្រាន់នៅឡើយ។ ប៉ុន្តែលោកបានកត់សម្គាល់ថា ទាហានជាច្រើននាក់ បច្ចុប្បន្នកំពុងទទួលការហ្វឹកហ្វឺន។ វានៅតែមិនច្បាស់នោះទេថា តើយន្តហោះចម្បាំងប៉ុន្មានគ្រឿងដែលអ៊ុយក្រែនបានទទួល និងមានឥទ្ធិពលប៉ុន្មានណានៅក្នុងសមរភូមិ។
ទីក្រុងគីវ បានបញ្ចុះបញ្ចូលជាយូរមកហើយសម្រាប់យន្តហោះ F-16 ដោយសារតែកម្លាំងបំផ្លាញរបស់ ពួកវានិងភាពដែលអាចប្រើប្រាស់បានខ្លាំងជាសកល។ បច្ចុប្បន្ននេះ មានក្រុមយន្តហោះចម្បាំងចាស់ៗ សម័យកាលសូវៀត។
យើងមានកិច្ចប្រជុំ និងកិច្ចពិភាក្សារាប់រយលើក ដើម្បីពង្រឹងសមត្ថភាពអាកាសចរណ៍របស់យើង ពង្រឹងសមត្ថភាពនៃប្រព័ន្ធការពារដែនអាកាស នៃកងកម្លាំងការពាររបស់យើង។
យើងតែងតែស្តាប់លឺថា «វាពុំអាចធ្វើទៅបានទេ» ជាចម្លើយ ប៉ុន្តែយើងនៅតែធ្វើឱ្យមហិច្ឆតារបស់យើង តម្រូវការការពារជាតិរបស់យើង អាចធ្វើទៅបាន។ ពេលនេះ គឺជាការពិត ការពិតស្ថិតនៅលើដែនអាកាសរបស់យើងហើយ។ យន្តហោះ F-16 ស្ថិតនៅក្នុងប្រទេសអ៊ុយក្រែន។
យន្តហោះថ្មីៗនេះ មានបំពាក់ដោយកាណុងបាញ់២០មីលីម៉ែត្រ ហើយអាចផ្ទុកគ្រាប់បែកច្រើនគ្រាប់ គ្រាប់រ៉ុក្កែត និងមីស៊ីល។ រុស្ស៊ី បាននឹងកំពុងកំណត់គោលដៅលើមូលដ្ឋាននានា នៅទីតាំងដែលអាចទុកយន្តហោះ F-16 ហើយបានប្តេជ្ញាបាញ់ទម្លាក់ពួកវា៕
ដោយះ សមាមសារ ព័ត៌មាន ឈុន ពេជ្រជាយដែន
https://www.cdv-news.com/
