នគរបាល ចរាចរណ៍នៃស្នងការដ្ឋាននគរបាលខេត្តបន្ទាយមានជ័យ បន្តការ ផ្សព្វផ្សាយ ច្បាប់ចរាចរណ៍ទាំងតាមវិទ្យុ និង បើកឲ្យ ពលរដ្ឋ មានសំណួរចម្លើយ មុន អនុវត្តវិធានការ រឹតបន្តឹង និងផាកពិន័យ !!!!!
ដោយះ លោក សោ សិលា
ផ្សាយថ្ងៃ ព្រហស្បត៍ ១៤ កើត ខែ ភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី ២៨ ខែ កញ្ញា ឆ្នាំ២០២៣
ខេត្តបន្ទាយមានជ័យ:
អនុវត្តតាមបទបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និង ការចង្អុលបង្ហាញរបស់ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានឲ្យនគរបាលចរាចរណ៍ទូទាំងខេត្ត ត្រូវចុះផ្សព្វផ្សាយណែនាំដល់អ្នកបើកបរ យានយន្តគ្រប់ប្រភេទនិងប្រជាពលរដ្ឋ អំពីច្បាប់ចរាចរណ៍ផ្លូវគោកសំដៅធ្វើយ៉ាងណាឲ្យមានគ្រោះថ្នាក់កម្រិតទាបបំផុត ។
នៅថ្ងៃទី២៨ ខែកញ្ញា ឆ្នាំ២០២៣នេះ លោកឧត្តមសេនីយ៍ត្រី ង៉ាន់ ចិន្តា ស្នងការរង ផែនការងារសណ្តាប់ធ្នាប់ លោកវរសេនីយ៍ឯក គី មករា នាយការិយាល័យនគរបាលចរាចរណ៍ផ្លូវគោគ បានបន្តដឹកនាំកម្លាំងចុះផ្សព្វផ្សាយច្បាប់ ដល់ប្រជាពលរដ្ឋ សិស្សានុសិស្ស អ្នកដំណើរ តាមដងផ្លូវឲ្យយល់ដឹងបន្ថែម មុនអនុវត្តរឹតបន្តឹងច្បាប់និងចាប់ផាកពិន័យឆាប់ៗខាងមុខនេះ។
ក្រៅពីចុះអនុវត្តផ្សព្វផ្សាយផ្ទាល់តាមដងផ្លូវសាធារណ: នគរបាលយើងក៏បាន ផ្សព្វផ្សាយព័ត៌មានតាម បណ្តាញសង្គមហ្វេសប៊ុក វេបសាយ គេហទំព័រសារពត៌មាន និងបានចាត់តាំង លោកវរ:សេនីយ៍ទោ សួន នីប៉ូ នាយរងការិយាល័យនគរបាលចរាចរណ៍ផ្លូវគោក និងក្រុមការងារធ្វើជាវាគ្មិនផ្សព្វផ្សាយនិងបកស្រាយសំនួរ-ចម្លើយ ចម្ងល់ផ្សេងៗរបស់ប្រជាពលរដ្ឋតាមស្ថានីយ៍វិទ្យុផងដែរ។
ជាមួយគ្នានេះ ស្នងការដ្ឋាននគរបាលខេត្តបន្ទាយមានជ័យ សូមអំពាវនាវដល់ប្រជាពលរដ្ឋ សិស្សានុសិស្ស អ្នកបើកបរយានយន្តគ្រប់ប្រភេទដែលកំពុងប្រើប្រាសផ្លូវទាំងអស់ ត្រូវចូលរួមគោរពច្បាប់ចរាចរណ៍ ឲ្យបានគ្រប់ៗគ្នា ដើម្បីសុវត្ថិភាពចរាចរណ៍ត្រូវចាប់ផ្ដើមពីខ្លួនយើងម្នាក់ៗ រួមគ្នាទប់ស្កាត់ កាត់បន្ថយគ្រោះថ្នាក់ចរាចរណ៍ផ្លូវគោកឲ្យមានប្រសិទ្ធភាព ខ្ពស់៕
ដោយះ គេហទំព័រ បារមីមានរិទ្ទិ លោកយាយម៉ៅ
https://www.bmm-news.com/
