លោកឧត្តមសេនីយ៍ទោ សិទ្ធិ ឡោះ បានអញ្ជើញដឹកនាំកងកម្លាំងចុះជួបសំណេះសំណាល និងបិទផ្សាយលេខទូរស័ព្ទសម្រាប់ទំនាក់ទំនង របស់អង្គភាពស្នងការដ្ឋាន ការិយាល័យ អធិការដ្ឋានដល់អាជីវករ ក្នុងផ្សារចំនួន២ ក្រុងសិរិសោភ័ណ !!!!!
ដោយះ លោក សោ សិលា
ផ្សាយថ្ងៃ អង្គារ ៥ កើត ខែ ភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី ១៩ខែ កញ្ញា ឆ្នាំ២០២៣
ខេត្តបន្ទាយមានជ័យ:
នៅរសៀលថ្ងៃទី១៨ ខែកញ្ញា ឆ្នាំ២០២៣ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានអញ្ជើញដឹកនាំកងកម្លាំងចុះជួបសំណេះសំណាល និងបិទផ្សាយលេខទូរស័ព្ទសម្រាប់ទំនាក់ទំនង របស់អង្គភាពស្នងការដ្ឋាន ការិយាល័យជំនាញនិង អធិការដ្ឋាននគរបាលក្រុងស្រុក ដល់បងប្អូនប្រជាពលរដ្ឋ ក៏ដូចជាអាជីវករ ក្នុងផ្សារសិរីសោភ័ណ និងផ្សារថ្មី ក្រុងសិរិសោភ័ណ និងបន្តបិទផ្សាយគ្រប់អអិការដ្ឋាននគរបាលក្រុងស្រុកទាំង ៩ ក្នុងខេត្តបន្ទាយមានជ័យ ។
ការចុះបិទផ្សាយនេះក៏មានការអញ្ជើញចូលរួមពី លោកឧត្តមសេនីយ៍ស្នងការរង នគរបាលសណ្តាប់ធ្នាប់ ព្រហ្មទណ្ឌ អត្តសញ្ញាណប័ណ លោកនាយការិយាល័យជំនាញអត្តសញ្ញាណប័ណ បង្រារ បង្រាប ពន្លត់អគ្គីភ័យ លោកអធិការនគរបាលក្រុងសិរីសោភ័ណ អាជ្ញាធរក្រុង និងមន្រីពាក់ព័ន្ធជាច្រើនរូប ។
គោលបំណងនៃការចុះបិទផ្សាយលេខទំនាក់ទំនង របស់អង្គភាពស្នងការដ្ឋាន ការិយាល័យជំនាញ និងលេខទំនាក់ទំនងរបស់អង្គភាពអធិការដ្ឋាននគរបាលក្រុងស្រុក នេះធ្វើឡើងដើម្បីជាផលប្រយោជន៍របស់បងប្អូនប្រជាពលរដ្ឋ ក៏ដូចជាបងប្អូនអាជីវករដែលលក់ដូរក្នុងផ្សារ សូមរាយការណ៍តាមលេខទំនាក់ទំនងដែលបានបិទផ្សាយ ឱ្យទាន់ពេលវេលា ដើម្បីមានភាពងាយស្រួល សម្រាប់នគរបាលយើងខ្ញុំ បង្ការ បង្រ្កាប ទប់ស្តាប់ រាល់បទល្មើសកើតឡើងជាយថាហេតុទាន់ពេលវេលា ៕
ដោយះ គេហទំព័រ បារមីមានរិទ្ទិ លោកយាយម៉ៅ
https://www.bmm-news.com/
