មេបញ្ជាការកងទ័ពជើងគោក ផ្ញើសារថ្លែងអំណរគុណ និងជូនពរដល់ក្រុមគ្រូពេទ្យ ក្នុងកាលៈទេសៈជំងឺកូវីដ-១៩ កំពុងរីករាលដាលជាសហគមន៍ !!!!!
ដោយះ លោក ពេជ្រ ចាន់វិជ្ជា
ចេញផ្សាយ ថ្ងៃ ចន្ទ ០៣ រោច ខែ ផល្គុន ឆ្នាំជូត ទោស័ក ពុទ្ធសករាជ ២៥៦៤ ត្រូវនឹង ថ្ងៃទី ០១ខែមិនា ឆ្នាំ ២០២១
ព័ត៌មានជាតិ
រាជធានីភ្នំពេញ:
ឧត្តមសេនីយ៍ឯក ហ៊ុន ម៉ាណែត «សូមអរគុណ និងជូនពរដល់បងប្អូនក្រុមគ្រូពេទ្យទាំងអស់ទទួលបានជោគជ័យក្នុងបេសកកម្មដ៏សំខាន់នេះ។ រួមគ្នាដើម្បីទប់ស្កាត់ការរីករាលដាលជំងឺកូវីដ-១៩ ក្នុងសហគមន៍យើង» ។
សារនេះត្រូវបាន ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការងនៃកងយោធពលខេមរភូមិន្ទ មេបញ្ជាការ កងទ័ពជើងគោក និងជាប្រធាន អនុគណៈកម្មការ គ្រប់គ្រងសន្តិសុខ និងសណ្តាប់ធ្នាប់ នៅតាមគោលដៅ និងតំបន់ចត្តាឡីស័ក បានបង្ហោះលើផេកហ្វេសប៊ុកផ្លូវការ របស់ឯកឧត្តម នៅព្រឹកថ្ងៃទី០១ ខែមីនា ឆ្នាំ២០២១នេះ ខណៈស្ថានភាពនៃការឆ្លងជំងឺកូវីដ-១៩ក្នុងសហគមន៍ ក្នុងព្រឹត្តិការណ៍២០កុម្ភៈ កំពុងមានភាពធ្ងន់ធ្ងរនៅឡើយ។
ក្នុងស្ថានភាពនេះក្រុមគ្រូពេទ្យត្រូវបានគេមើលឃើញថា ជាកម្លាំងជួរមុខយ៉ាងសំខាន់បំផុតក្នុងការទប់ស្កាត់ការរីករាលដាលជំងឺកូវីដ-១៩ ចេញពីក្នុងសហគមន៍ ក៏ដូចជាការប្រឈមផ្ទាល់ជាមួយនិងជំងឺកូវីដ-១៩ផងដែរ។
សូមជម្រាបថា ក្រសួងសុខាភិបាល នៅព្រឹកថ្ងៃទី០១ ខែមីនា ឆ្នាំ២០២១ នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ-១៩ថ្មីចំនួន ១៥នាក់បន្ថែមទៀត ក្នុងនោះអ្នកឆ្លងក្នុងសហគមន៍នៃ «ព្រឹត្តិការណ៍២០កុម្ភៈ» មានចំនួន ១៤នាក់ ដែលភាគច្រើនជាជនជាតិចិន។ ក្នុងចំណោមអ្នកឆ្លងក្នុងសហគមន៍ទាំង១៤នាក់ មានជនជាតិចិនចំនួន ១៣នាក់ និងជនជាតិខ្មែរម្នាក់។ ចំណែកឯអ្នកដែលធ្វើដំណើរមកពីក្រៅប្រទេសម្នាក់ ដែលឆ្លងកូវី-១៩ គឺជាជនជាតិឥណ្ឌូនេស៊ី ធ្វើដំណើរមកពីប្រទេសឥណ្ឌូនេស៊ី មកដល់កម្ពុជានៅថ្ងៃទី២៦ ខែកុម្ភៈ ឆ្នាំ២០២១។
ជាសរុបអ្នកឆ្លងកូវីដ-១៩ទូទាំងប្រទេសមានចំនួន ៨២០នាក់ ក្នុងនោះអ្នកឆ្លងក្នុងសហគមន៍នៃ «ព្រឹត្តិការណ៍២០កុម្ភៈ» មានចំនួន ៣១៦នាក់៕.
ដោយះ គេហទំព័រ បារមីមានរិទ្ធិ លោកយាយម៉ៅ
https://www.bmm-news.com/
