យោងតាមបញ្ជាដ៍ម៉ឹនម៉ាត់ របស់លោក ឧត្តមសេនីយ៍ទោ សិទ្ទិ ឡោះ ស្នងការនគរបាលខេត្ត បន្ទាយមានជ័យ បានដាក់បញ្ជាអោយលោកវរសេនីយ៍ឯក សៅ សារឿន អធិការនគរបាលក្រ៉ងប៉ោយប៉ែត ដោយមានការចូលរួមពីកម្លាំងប៉ុស្ដឹនគរបាលសង្កាត់ប៉ោយប៉ែត បានបំបែកសំបុកចោរលួចដ៍ល្បីនៅក្រុងប៉ោយប៉ែត បានហើយ !!!!
ដោយះ លោក ភៀង សុភា
ចេញផ្សាយថ្ងៃ ពុធ ១៤ រោច ខែអាសាឍ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៧ ខែកក្កដា ឆ្នាំ២០២២
ព័ត៌មានជាតិ
ខេត្តបន្ទាយមានជ័យះ
ចោរជើងខ្លាំងពូកែខាងលួចប្រចាំបំបន់ក្រុងប៉ោយត្រូវ កំលាំងនគរបាលក្រុងប៉ោយប៉ែតឃាត់ខ្លួនបានហើយនិងបញ្ជូនទៅដាក់គុកនៅពេលខាងមុខលោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានប្រាប់ឲ្យដឹងថា៖យោង តាមពាក្យបណ្ដឹងរបស់ជនរងគ្រោះ ចំនួន០២នាក់ រស់នៅក្រុងប៉ោយប៉ែតថា ពួកគាត់បានបាត់ម៉ូតូចំនួន០២គ្រឿង ត្រូវជនមិនស្គាល់មុខបានលួចម៉ូតូទៅបាត់។ពេលទទួលបានពាក្យប្តឹងហើយ លោកបានដឹកនាំកម្លាំងនគរបាលជំនាញ សហការជាមួយប៉ុស្តិ៍នគរបាលរដ្ឋបាលសង្កាត់ប៉ោយប៉ែត ចុះធ្វើការស្រាវជ្រាវ តាមវិធានការជំនាញ ឈានដល់ឃាត់ខ្លួនបានជនសង្ស័យ០១នាក់ ឈ្មោះកូ ធារ៉ា ភេទប្រុស អាយុ២៩ឆ្នាំ ជនជាតិខ្មែរ មុខរបរកម្មករ ស្នាក់នៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ នៅព្រឹកថ្ងៃទី២៦ ខែកក្កដា ឆ្នាំ២០២២ នៅចំណុចភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត រួមទាំងវត្ថុតាងម៉ូតូ០២គ្រឿង តាមបទបញ្ជារបស់លោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យ ។
លោកវរសេនីយ៍ឯក សៅ សារឿន បានបញ្ជាក់ថា៖កាលពីថ្ងៃទី២៤ ខែកក្កដា ឆ្នាំ២០២២ កម្លាំងនគរបាលក្រុង និងនគរបាល ប៉ុស្តិ៍បានទទួលពាក្យបណ្តឹងពីជនរងគ្រោះពលរដ្ឋ ឈ្មោះ ភាន់ រតនៈ ភេទ ប្រុស អាយុ ៣៦ឆ្នាំ ជនជាតិខ្មែរ មុខរបរគ្រូបង្រៀន រស់នៅភូមិក្បាលស្ពាន ២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ យប់ ស្នាក់នៅក្នុងបន្ទប់ជួល បានអូសម៉ូតូចេញពីក្នុងបន្ទប់ដាក់មុខបន្ទប់ ហើយចូលក្នុងបន្ទប់វិញមិនបានដកសោពីម៉ូតូត្រូវចោរលួចយកទៅចាត់។ម៉ូតូម៉ាក ហុងដាឌ្រីម ឆ្នាំ២០០៦ ពណ៌ខ្មៅ ផ្លាកលេខ កណ្តាល 1D-2623 ។ចំណែក ជនរងគ្រោះម្នាក់ទៀត ឈ្មោះម៉េង ស្រីណែត ភេទស្រី អាយុ២៥ឆ្នាំ ជនជាតិខ្មែរ មុខរបរលក់ដូរ រស់នៅក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បាននិយាយថា មុនពេលកើតហេតុនៅម៉ោង១០យប់ចោរបានចូលលួចយកម៉ូតូរបស់គាត់ម៉ាកHONDA Scoopy ពណ៌ស ស៊េរីឆ្នាំ២០១៩ ពាក់ស្លាកលេខប.មានជ័យ-1S-9046 ដែលបញ្ឈរទុកនៅមុខផ្ទះពុំបានដកកូនសោចេញពីម៉ូតូ ជិះទៅបាត់ ហើយចំណែកម៉ូតូរបស់ចោរទុកនៅកន្លែកើតហេតុ។
លោកអធិការក្រុងប៉ោយប៉ែត ឲ្យដឹងទៀតថា៖ជនសង្ស័យក្រោយពីឃាត់ខ្លួននៅចំពោះមុខសមត្ថកិច្ចបានសារភាពថា ខ្លួនពិតជាបានធ្វើសកម្មភាពលួចយកម៉ូតូរបស់ជនរងគ្រោះទាំង០២នាក់ពិតប្រាកដមែន។ផ្អែកតាមបណ្តឹងរបស់ជនរងគ្រោះជាម្ចាស់ម៉ូតូនិងចម្លើយសារភាព ជនសង្ស័យត្រូវបានកម្លាំងជំនាញរៀបចំសំណុំរឿងបញ្ជូនខ្លួនទៅស្នងការដ្ឋាននគរបាលខេត្ បន្ទាយមានជ័យ ចាត់ការបន្តតាមនិតិវិធី ។ចំពោះម៉ូតូទាំង០២គ្រឿង ត្រូវបានដកហូតនិងប្រគល់ជូនម្ចាស់ដើមទាំង០២នាក់វិញផងដែរ ៕
ដោយះ មជ្ឈមណ្ឌល ព័ត៌មាន ឈុន ពេជ្រ ជាយដែន
https://www.vnc-news.com/
