មានការភ្ញាក់ផ្អើលជាថ្មីទៀត ចំពោះ វីរុសកូវីដ-១៩ទម្រង់ថ្មីដែលលេចឡើងដំបូងនៅចក្រភពអង់គ្លេស បន្តរាលដាលដល់អេស៉្បាញនិងស៊ុយអែតថែមទៀត !!!!

មានការភ្ញាក់ផ្អើលជាថ្មីទៀត ចំពោះ វីរុសកូវីដ-១៩ទម្រង់ថ្មីដែលលេចឡើងដំបូងនៅចក្រភពអង់គ្លេស បន្តរាលដាលដល់អេស៉្បាញនិងស៊ុយអែតថែមទៀត !!!!

ដោយះ លោក ពេជ្រ ចាន់វិជ្ជា
ប្រែសម្រួលពីសារព័ត៌មាន  Reuters News
ចេញផ្សាយថ្ងៃ អាទិត្យ ១៣កើត ខែបុស្ស ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ២៧ ខែ ធ្នូឆ្នាំ២០២០
ព័ត៌មានអន្តរជាតិ

(បរទេស)៖

វីរុស COVID-19 ទម្រង់ថ្មី ដែលលេចឡើងដំបូងនៅក្នុងចក្រភពអង់គ្លេស នាពេលនេះក៏ត្រូវបានរកឃើញជាលើកដំបូងនៅក្នុងប្រទេសអេស៉្បាញនិងស៊ុយអែតផងដែរ ក្រៅពីប្រទេសមួយចំនួនផ្សេងទៀត។ នេះបើតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃសៅរ៍ ទី២៦ ខែធ្នូ ឆ្នាំ២០២០។អាជ្ញាធរសុខាភិបាលស៊ុយអែតនៅថ្ងៃសៅរ៍នេះ បានឲ្យដឹងថាអ្នកដំណើរម្នាក់ដែលមកពីចក្រភពអង់គ្លេស ត្រូវបានធ្វើតេស្តរកឃើញវីរុស COVID-19 ទម្រង់ថ្មី នៅពេលមកដល់ប្រទេសស៊ុយអែត។ ចំណែកអាជ្ញាធរសុខាភិបាលអេស៉្បាញឯណោះវិញ ក៏បានឲ្យដឹងដែរថា មានមនុស្សចំនួន៤នាក់ ត្រូវបានធ្វើតេស្តឃើញវិជ្ជមានចំពោះ COVID-19 ទម្រង់ថ្មីនៅក្នុងប្រទេសអេស៉្បាញ ដោយពួកគេទើបតែមកពីចក្រភពអង់គ្លេស។

គួរបញ្ជាក់ថា វីរុស COVID-19 ទម្រង់ថ្មី ដែលលេចឡើងដំបូងនៅក្នុងចក្រភពអង់គ្លេស ត្រូវបានអះអាងថាមានសមត្ថភាពឆ្លងរាលដាលឆាប់រហ័សជាងធម្មតា។ ប្រទេសមួយចំនួនទៀតដូចជាសិង្ហបុរី អ៉ីស្រាអែល អាល្លឺម៉ង់ អ៉ីតាលី ហូឡង់ ដាណឺម៉ាក បារាំង អ៉ីតាលី លីបង់ និងជប៉ុន ជាដើម ក៏បានរកឃើញវីរុស COVID-19 ទម្រង់ថ្មី ដែលមានប្រភពមកពីអង់គ្លេសនេះដែរ៕

ដោយះ គេហទំព័រ បារមីមានរិទ្ធិ លោកយាយម៉ៅ
https://www.bmm-news.com/